Pertamo sekali, lamo doh tok menulis kolum sediri lepah blog ni hile pasword aritu. Tigo tahun mapuh kerah kahkahkah tapi mujurlah lepah email demi email dihatar ke google, blog ni buleh diaktifkan balik, Alhamdulillah syukur pado Allah.
Arini sero nok nulih. Jadi mari kita pakak nulih.
Satu pesane kepado Persatuan Bola Sepak Kelate (KAFA), Tim Kelate ni adalah tim rakyat buke tim drama air mato sedih demo untuk kepentingan demo.
Sero duwaa jah ko demo sari duo ni sebab berehi wak tubik stetmen bodo di media sapa seluruh rakyat pelosok dunio melihat pice sebuoh persatuan hok kato telah merangkul semo kejuaraan hok ado dale liga Malaysia.
Tok suko kawe nga sikap demo gini sebab rakyat Kelate gi sokong bola buke nok kelih babuknya tindakan KAFA tapi nok bersaing kure-kure tidak tarik diri nga gitu jah.
Ore nok kelis pasukan main. Kalu kaloh pun takpo. Buke nga caro tarik diri.
Penyokong reti menilai ehh pahni, reti kelis. Takdok duit gak wak caro takdok duit. Buat skuad nga bajet hok ado. Aloh pun tok braso ati sangat. Kalu braso pun, segelintir jah hok tokgi stadium. Pah ore hok kritik tuh, takir tuh buke maroh benar. Kritik mereko untuk kemajuan bola kita, maruah kita.
Tapi KAFA angkuh, sombong dan tidak dengar kato ore.
Braso kerah pedal, braso hebat nga sejaroh lalu. Nok jugok cari 15 16 juto sebab nok lawe pasuke lain. Padahal skuad hok ado loni nih, 10 juto pun tok abih ehh.
Ni dok, tebeng jugok kace bendo hok payoh. Duk arap promosi kok cerito tok comey. Pah braso buleh sponsor ko main nga cerito tok comey tu. Kalu lagu ni la marketing nok cari sponsor. Kopom-kopom payoh ore nok buwie pitih. Acu mikir eh meta.
Pah sorr kagho lagi, Tan Sri Annuar Muso letok jawate baru ni. Bakpo napok po ile ibu. Kalut abih.
Guano???
Selamo 10 tahun ni, Ayoh Wa jah ko hok cari duit? Hok buat kijo??
Exco rama-rama tu pah mano? Wak begapo?? Tokkey ambik namo jah semato mato.
Oooo berat mene pok demo leni. Tok malu ko ehh??
Aduh la, saye weh kaloh sebelum main nih.
Smula sebelum wak tubik stetmen tuh, ejah gak mikir sebeta gapo implikasi. Ore duk rusim blako kalu tarik diri banyok bendo hok KAFA nga bola sepak Kelate keno tanggung.
Hok mulo mulo skali keno gatung. Kemungkine besar. Pah keno stat main liga bawoh yakni liga FAM. Bilo main liga bawoh, Fans ake lari. Plawok ehh hok duk luar negeri nu nok turun kelik kelih bola kalu main Liga FAM. Kalu gi pun, keno lawe pasuke luar nu baru gi. Pah nok kelik Kelate kelih bola. OOOOOOOO JAUH SEKALI.
Pah bilo fans lari, hok tetu skali katung koho susut sebab jualan tiket ake merudum. Pah tiket jange arap la buleh jual 16 17 ya sekepim tu bo sakak main liga bawoh. Nok kels bola LIVE di Telebesen. Ermmm. tunggu final jah la. Tu pun kalu ore nok siar.
Pah acu pikir player tu ratek. Aiii sedak nk tarik diri siap wie tarikh nah nok bice. Bo Bo la wak drama nyo. Baik kijo cari sponsor. Kalu tok mapu gak, letok jawate jah.
Buke nok buwie tekane, tapi hakikat sebenar. Sebab tim bola ni tim rakyat. Tim hok buat penyokong duduk sekali tok kiro parti, tok kiro bangso, tok kiro warno kulit.
So, lepah ni, beringat la. Jange di wak kokse kokdan. Kure kecek, lebih wak kijo. Mogo Kelate kito kekal bersaing dale Liga Malaysia, InshaAllah. Sekian.
0 ulasan:
Post a Comment