Ini Buke Tim Demo, Ni Tim Rakyat Malaysia.

Pertamo sekali, terimo kasih ko Abe Deliey Reds sebab wie Mawar nulis dale blog RedsfcNews. Payoh tuh nok nulis sini. Kadey-kadey sero malu sebab abe Deliey sokmo suh nulih tapi Mawar malah nok nulih.

Arini sero nok nulih. Jadi mari kita pakak nulih.

Satu pesane kepado Datuk K. Rajagobal, Tim Malaysia ni adalah tim rakyat buke tim eksperimen demo untuk kepentingan demo.


Sero duwaa jah kalu demo oyat ni tim demo pah hok demo nok atur sapo-sapo dale kesebelase utamo.

Tok suko kawe nga sikap demo gini sebab rakyat Malaysia gi sokong bola buke nok kelih tim demo main.

Ore nok kelis pasukan main pah mene. Kalu nok kaloh sekalipun buke kaloh nga caro lagu ni.

Payoh weh nok kelis bola Malaysia ni rakyat turun rama-rama dari serato pelusuk negeri semato-mato wie sokongan.

Penyokong reti menilai, reti kelis nok main bola lagu mano. Kritik mereko untuk kemajuan bola kita, maruah kita.

Tapi abe Raja angkuh, sombong dan tidak dengar kato ore.

Dok masuk jugok pemain wak tokleh main. Pah kaloh dok kata pulok buke kaloh tapi seri. Peraturan mano gak Abe Rajo paka yey jadi tokleh nilai kaloh ko mene.

Ore kalu seri, main game mulo-mulo seri, pah game kedua pun seri, agregat jadi seri tapi out sebab peraturan gol tepat lawan. Tu baru jolo seri.

Ni dok, tebeng besar nimo kaloh 4-6 agregat dok gegey kok sokkobar, tibi oyat kita seri. Seri celoh mano lagu ni mo. Tok cayo kawe, lagu tu pun seri. Duo gol tu depisit, seri apo. Malu weii kawe.

Abe Deliey ni masuk tibi nok suh FAM kekal ko Abe Rajo tapi gak demo wak pulok keh lagu ni. Habih ore pakak pakoh Abe Deliey sebab dulu suh ore kekal demo alih-alih loni Abe Deliey nga kawe sdiri pulok pakoh demo di khalayak rama.

Meme silak Abe Deliey suh FAM kekal demo sebab demo buke stakat tokse dengar woh ore, pah demo wak tubik pulok kenyataan membelakangkey penyokong.

Doh demo kato tu tim demo, jange dok gegey di sokkobar ko mano-mano tepat suh penyokong gi.

Tokse kawe sokong tim demo mugo kawe sokong tim Malaysia sebab kawe raso Malaysia buleh jadi Rima sungguh. Buke Rima patoh kuku keno timbok ko Singo keh kesilape Rima alik bawoh.

Aduh la, saye weh kaloh game wak sepatutnyo mene. Tapi gak nok wak guano, bendo lepah doh, mako kawe tokleh wak gapo-gapo doh. Kritik jah la mugo kawe sero nok kritik pah nok takir parok.

So, lepah ni, abe Rajo beringat la. Jange di wak kokse kokdan. Abe Rajo tahu lagi keyy mugo Abe Rajo keyy jurulatih, pah ajing akat pialo nga pingat mah. Hebat tuh buleh latih tim kebangsaae pah juaro. Mako, tokkey la Abe Rajo nok suh ore kutuk Abe suko-suko ati.

Apo-apo pun, tugase Abe Rajo buleh diperbaiki lepah ni dengan syarat, ambik cakno sikik dale pemilhe pemain buke lagi sipe anok mah, anok ike, anok gapo-gapo pon sebab penyokong tokse doh keno wak aye ko ore. Kita nok mene pah nok layok gi perlawanan perikat lebih tinggi.

Ko guano Abe Rajo raso. Bereh la. Kawe nok rehat doh, letih nulih ko Abe Rajo. Dua tiga hari doh bekok arini baru sero nok bedil. Selamat. -RedsfcNews-

Share on Google Plus

About RedsFC

This is a short description in the author block about the author. You edit it by entering text in the "Biographical Info" field in the user admin panel.

0 ulasan: